ಸದ್ಯ ಈ ಕುಟುಂಬದ ಕಮಾಂಡ್ ಲೋಕಸಭೆಯ (Lok Sabha) ವಿರೋಧ ಪಕ್ಷದ ನಾಯಕ (Leader of Opposition) ರಾಹುಲ್ ಗಾಂಧಿ (Rahul Gandhi) ಹಾಗೂ ಅವರ ಸಹೋದರಿ ಪ್ರಿಯಾಂಕಾ ಗಾಂಧಿ (Priyanka Gandhi) ಅವರ ಕೈಯಲ್ಲಿದೆ. ರಾಹುಲ್ ಗಾಂಧಿ ಕಳೆದ ಎರಡು ದಶಕಗಳಿಂದ ರಾಜಕೀಯದಲ್ಲಿ ಸಕ್ರಿಯರಾಗಿದ್ದಾರೆ. ಪ್ರಸ್ತುತ ಲೋಕಸಭೆಯಲ್ಲಿ ವಿರೋಧ ಪಕ್ಷದ ನಾಯಕರಾಗಿದ್ದು, ಪ್ರಿಯಾಂಕಾ ಗಾಂಧಿ ಅವರು ಮೊದಲ ಬಾರಿಗೆ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿದ್ದಾರೆ. ಇದು ರಾಹುಲ್ ಗಾಂಧಿ ಅವರಿಂದ ತೆರವಾದ ವಯನಾಡಿನಲ್ಲಿ ನಡೆಯುತ್ತಿರುವ ಉಪಚುನಾವಣೆಯಲ್ಲಿ ಅವರು ಕಾಂಗ್ರೆಸ್ ಅಭ್ಯರ್ಥಿಯಾಗಿದ್ದಾರೆ.

ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿ ಅವರು ನೆಹರೂ ಕುಟುಂಬದ ಐದನೇ ತಲೆಮಾರಿನವರು. ಇವರ ಈ ಕುಟುಂಬದ ಪ್ರಾರಂಭವು ಸ್ವತಂತ್ರ ಹೋರಾಟಗಾರ ಮೋತಿಲಾಲ್ ನೆಹರೂ ಅವರಿಂದ ಶುರುವಾಗುತ್ತದೆ. ಸ್ವಾತಂತ್ರ್ಯದ ಮೊದಲು, ಅವರು 1919 ರಲ್ಲಿ ಅಮೃತಸರ ಕಾಂಗ್ರೆಸ್ ಅಧಿವೇಶನದ ಅಧ್ಯಕ್ಷರಾದರು. ನಂತರ ಅವರು 1928 ರಲ್ಲಿ ಕಾಂಗ್ರೆಸ್ ಅಧ್ಯಕ್ಷರಾದರು. ಮೋತಿಲಾಲ್ ನೆಹರು ಅವರು ತಮ್ಮ ಕಾಲದ ಉನ್ನತ ವಕೀಲರಾಗಿದ್ದರು. ಜೊತೆಗೆ ಅವರ ಅಂದಿನ ಆದಾಯವು ಜಗತ್ತಿನಲ್ಲಿ ಚರ್ಚೆಯ ವಿಷಯವಾಗಿತ್ತು.

ಅವರ ನಂತರ, ಅವರ ಮಗ, ದೇಶದ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರು ಅವರು 1929 ರಲ್ಲಿ ಲಾಹೋರ್ ಕಾಂಗ್ರೆಸ್ ಅಧಿವೇಶನದಲ್ಲಿ ಪಕ್ಷದ ಮತ್ತು ನಂತರ ದೇಶದ ನಾಯಕತ್ವವನ್ನು ವಹಿಸಿಕೊಂಡರು. ನೆಹರೂ ಅವರ ಮರಣದ ನಂತರ, ಗಾಂಧಿ ಕುಟುಂಬದ ಪರಂಪರೆಯು ಅವರ ಏಕೈಕ ಪುತ್ರಿ ಇಂದಿರಾ ಗಾಂಧಿಯವರ ಕೈಗೆ ಬಂದಿತು. ಇಂದಿರಾ ಗಾಂಧಿಯವರ ಮರಣದ ನಂತರ ಅವರ ಹಿರಿಯ ಪುತ್ರ ರಾಜೀವ್ ಗಾಂಧಿ ದೇಶದ ಪ್ರಧಾನಿಯಾದರು. ರಾಜೀವ್ ಗಾಂಧಿಯವರ ಹತ್ಯೆಯ ನಂತರ, ಅವರ ಪತ್ನಿ ಸೋನಿಯಾ ಗಾಂಧಿ ಅವರು ಕಾಂಗ್ರೆಸ್‌ನ ಅಧಿಕಾರವನ್ನು ವಹಿಸಿಕೊಂಡರು. ನಂತರ ಅವರ ಕೈಯಿಂದ ಪುತ್ರ ರಾಹುಲ್ ಗಾಂಧಿಗೆ ಅಧಿಕಾರ ರವಾನೆಯಾಯಿತು

ಸೋನಿಯಾ ಗಾಂಧಿಯವರ ಅಧಿಕೃತ ನಿವಾಸವಾದ 10 ಜನಪಥ್‌ನಲ್ಲಿ ಬಣ್ಣದ ಕೆಲಸ ಮಾಡುತ್ತಿರುವ ಕಾರ್ಮಿಕರ ಬಗ್ಗೆ ರಾಹುಲ್ರವರು ರೆಹಾನ್ಗೆ ಹೇಳುತ್ತಿದ್ದಾರೆ. ಇವರೆ ನಿಜವಾಗಿಯೂ ದೇಶವನ್ನು ಬೆಳಗಿಸುತ್ತಿರುವವರು, ಆದರೆ ಅವರ ಶ್ರಮಕ್ಕೆ ಪ್ರಾಮುಖ್ಯತೆ ನೀಡುತ್ತಿಲ್ಲ ಎಂದು ಅವರು ಕಾರ್ಮಿಕರ ಬಗ್ಗೆ ರೆಹಾನ್‌ಗೆ ವಿಡಿಯೋದಲ್ಲಿ ಹೇಳುತ್ತಿದ್ದಾರೆ.

ವಾಸ್ತವವಾಗಿ, ರಾಹುಲ್ ಗಾಂಧಿ ಅವರು ಸಮಾಜದಲ್ಲಿ ಹಿಂದುಳಿದ ವರ್ಗಗಳನ್ನು, ವಿಶೇಷವಾಗಿ ವಿವಿಧ ವಲಯಗಳ ಕಾರ್ಮಿಕರನ್ನು ಭೇಟಿ ಮಾಡುತ್ತಲೇ ಇರುತ್ತಾರೆ. ಕೆಲವೊಮ್ಮೆ ಟ್ರಕ್ ಡ್ರೈವರ್‌ಗಳೊಂದಿಗೆ ಸವಾರಿ ಮಾಡುತ್ತಾರೆ. ಮತ್ತು ಕೆಲವೊಮ್ಮೆ ಹೊಲಗಳಲ್ಲಿ ಭತ್ತ ಬಿತ್ತುವ ಕೂಲಿ ಕಾರ್ಮಿಕರೊಂದಿಗೆ ಕಾಣಿಸಿಕೊಳ್ಳುತ್ತಾರೆ. ಇನ್ನೂ ಕೆಲವೊಮ್ಮೆ ಮೆಕ್ಯಾನಿಕ್ಸ್‌ನೊಂದಿಗೆ ನಟ್‌ಗಳು ಮತ್ತು ಬೋಲ್ಟ್‌ಗಳನ್ನು ತೆರೆಯುವುದನ್ನು ಸಹ ನಾವು ಕಾಣಬಹುದು. ಇತ್ತೀಚೆಗೆ ಅವರು ಕುಂಬಾರನ ಬಳಿಗೆ ಹೋಗಿದ್ದರು. ಅಲ್ಲಿ ತನ್ನ ಕೈಗಳಿಂದ ಮಣ್ಣಿನ ದೀಪಗಳನ್ನು ಮಾಡಿದ್ದಾರೆ. ಈ ದೀಪಾವಳಿ ವೀಡಿಯೋದಲ್ಲಿ ರಾಹುಲ್ ಅವರು ರೆಹಾನ್ಗೆ ಈ ಎಲ್ಲ ತಮ್ಮ ಎಲ್ಲಾ ಅನುಭವಗಳನ್ನು ಹೇಳುತ್ತಿದ್ದಾರೆ.

ರೆಹಾನ್ ಯಾರು?

ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರ ಸಹೋದರಿ ಪ್ರಿಯಾಂಕಾ ಗಾಂಧಿ ಮತ್ತು ರಾಬರ್ಟ್ ವಾದ್ರಾ ಅವರ ಮಗನೇ, ಈ ರೆಹಾನ್. ಇವರಿಗೆ 24 ವರ್ಷ ವಯಸ್ಸು ಮತ್ತು ದೃಶ್ಯ ಕಲಾವಿದ ಮತ್ತು ಮೇಲ್ವಿಚಾರಕರಾಗಿರುವ, ಇವರ ಅನೇಕ ಪ್ರದರ್ಶನಗಳು ದೆಹಲಿ ಮತ್ತು ಮುಂಬೈನಲ್ಲಿ ನಡೆದಿವೆ. ರಾಹುಲ್ ಗಾಂಧಿ ಅವರ ಈ ವಿಡಿಯೋದಲ್ಲಿ ರೆಹಾನ್ ಕಾಣಿಸಿಕೊಂಡಿರುವುದು ಭಾರೀ ಚರ್ಚೆಯ ವಿಷಯವಾಗಿದೆ. ಇದರೊಂದಿಗೆ ಗಾಂಧಿ ಕುಟುಂಬದ ಆರನೇ ತಲೆಮಾರು ಮುನ್ನೆಲೆಗೆ ಬಂದಿದೆ